1. Нүүр хуудас
2. Мэдээ, мэдээлэл
3. Та энд байна

СОНГОН ШАЛГАРУУЛАЛТЫН УРИЛГА

МОНГОЛ УЛСЫН ХӨЛӨГ ОНГОЦНЫ БҮРТГЭЛИЙН ҮЙЛ АЖИЛЛАГААНД ЗУУЧЛАХ АГЕНТЫГ СОНГОН ШАЛГАРУУЛАХ ТУХАЙ

Монгол Улсын Зам, тээврийн яамны харьяа Далайн захиргаа нь Монгол Улсын хөлөг онгоцны бүртгэлийн үйл ажиллагааг явуулдаг төрийн байгууллага юм.

Монгол Улсын Далайн захиргаа нь хөлөг онгоцны бүртгэлийг өргөжүүлэх зорилгоор  Монгол Улсын хөлөг онгоцны бүртгэлийн үйл ажиллагаанд зуучлах үүрэг бүхий агентын сонгон шалгаруулалт зарлаж байна.

Агент нь Монгол Улсын Далайн захиргаатай гэрээ байгуулсны дагуу Монгол Улсын хөлөг онгоцны бүртгэлд хөлөг онгоцоо бүртгүүлэх хүсэлтэй хөлөг онгоц эзэмшигч, менежер болон операторуудад бүртгэлийн үйл ажиллагааг сурталчлах, мэдээллээр хангах  Монгол Улсын хөлөг онгоцны бүртгэлд зуучлах үйл ажиллагаа эрхлэх болно.

Сонгон шалгаруулалтад оролцох хуулийн этгээд нь Хүснэгт 1-т заасан шаардлагуудыг хангасан байна.

Хүснэгт 1

Дээрх шаардлагуудыг хангасан хуулийн этгээд дараах баримт, бичгийг ирүүлнэ. Үүнд:

1. Шалгаруулалтад оролцох тухай хүсэлт;
2. Хуулийн этгээдийн гэрчилгээний хуулбар;
3. Оффисын түрээсийн гэрээний хуулбар эсхүл үл хөдлөх хөрөнгийн гэрчилгээний хуулбар;  
4. Санхүүгийн чадавхийг нотолсон харьяалах татварын байгууллагын тодорхойлолт болон сүүлийн 3 жилийн санхүүгийн тайлан;
5. Хуулийн этгээдийн танилцуулга (бүтэц);
6. Хуулийн этгээдийн удирдах албан тушаалтан болон гүйцэтгэх ажилтнуудын боловсролын диплом, мэргэжлийн гэрчилгээний хуулбар болон мэргэжлийн туршлагыг тусгасан ажил байдлын тодорхойлолт;
7. Хөлөг онгоцны бүртгэл эсхүл хөлөг онгоцны техникийн хяналтын чиглэлээр  үйл ажиллагаа явуулж байсан ажлын жагсаалт, гэрчилгээ, тусгай зөвшөөрлийн хуулбар болон бусад зайлшгүй холбогдох баримт бичгүүд;
8. Хөлөг онгоц худалдах, худалдан авах болон хөлөг онгоц түрээслэх, тээврийн зуучлагчаар ажиллах тухай өмнө байгуулсан гэрээнүүдийн хуулбар;
9. Хөлөг онгоцны үзлэг, шалгалт явуулж байсан болон далайн тээврийн үйл ажиллагаанд оролцож байсныг гэрчлэх гэрээ, хамтран ажиллаж байсан байгууллагын тодорхойлолт;
10. Бусад улсын хөлөг онгоцны бүртгэгчээр ажиллаж байсан бол түүний ажлын туршлагын талаарх тухайн улсын далайн тээврийн асуудал эрхэлсэн эрх бүхий байгууллагын тодорхойлолт;
11. Хүлээн зөвшөөрөгдсөн байгууллагаар ажиллаж байсан бол тухайн үйл ажиллагааг гэрчлэх гэрээний хуулбар;
12. Харилцагч банкны мэдэгдэл;
13. Сүүлийн 3 жилийн хугацаанд хөлөг онгоцны бүртгэлийн болон ижил төстэй үйл ажиллагаанд оролцох талаар байгуулсан гэрээг дүгнэсэн баримт.

Дээр дурдсан баримт, бичгийг дугтуйнд хийж битүүмжлэн 2024 оны 12 дугаар сарын 31-ний өдрийн 17 цаг 30 минутаас өмнө доорх хаягаар ирүүлнэ үү.

МОНГОЛ УЛСЫН ДАЛАЙН ЗАХИРГАА:

Хаяг:  Монгол Улс, Улаанбаатар хот

           Сүхбаатар дүүрэг, 8 дугаар хороо,

           Ерөнхий сайд A.Амарын гудамж,

           Лагшан төв, 14200

           Монгол Улсын Далайн захиргаа

           VII давхарт, 710 тоот,

Утас:   (+976) 11 310642

Факс:   (+976) 11 310642

Цахим шуудан: info@monmarad.gov.mn

Жич: Баримт бичгийн бүрдэл дутуу бол материалыг хүлээн аваагүйд тооцох болно.

 Дэлгэрэнгүй мэдээлэл авахыг хүсвэл дараах албан тушаалтнуудтай холбогдоно уу:  

Хөлөг онгоцны бүртгэл, хяналтын хэлтсийн дарга: С.Энхбаяр

Хөлөг онгоцны бүртгэл, хяналтын хэлтсийн ахлах мэргэжилтэн: Г.Золбоо

Хөлөг онгоцны бүртгэл хариуцсан мэргэжилтэн: Т.Чандманьсайхан 

Хөлөг онгоцны бүртгэл хариуцсан мэргэжилтэн: Ж.Тэмүүлэн

Далбааны эзэн улсын хяналт, шалгалт хариуцсан мэргэжилтэн: Х.Баярбат, У.Төгөлдөр

Утас: (+976) 11 310642

Цахим шуудан:  info@monmarad.gov.mn

Ажлын цагийн хуваарь: