1. Нүүр хуудас
2. Мэдээ, мэдээлэл
3. Та энд байна

Зам, тээврийн хөгжлийн яамны харьяа Далайн захиргаанаас усан замын тээврийн аюулгүй байдалд тавих хяналтыг сайжруулах зорилгоор нийт усан замын тээврийн хэрэгслүүдэд байршил тогтоогч GPS төхөөрөмжийг суурилуулж, нэгдсэн хяналтын системийг нэвтрүүлэхтэй холбогдуулан төхөөрөмж суурилуулах ажлыг Авто тээврийн үндэсний төвтэй хамтран 2023 оны 05 дугаар сарын 29-ний өдрөөс 06 дугаар сарын 02-ны өдрүүдэд Хөвсгөл аймгийн Хатгал тосгонд зохион байгуулахаар болсон тул нийт усан замын тээврийн хэрэгсэл өмчлөгч, эзэмшигч, жолооч та бүхэн Teltonika-FMB920, Teltonika-FMB225, Teltonika-FMB125 загвар /модель/-ын GPS төхөөрөмжүүдээс аль нэгийг сонгон, худалдан авч бэлтгэл ажлыг хангасан байхыг мэдэгдэж байна.

Тус загвар /модель/-аас өөр байршил тогтоогч GPS төхөөрөмж нь Монгол Улсын хэмжээнд ашиглах хяналтын системд нэвтрээгүй учир ашиглах боломжгүй тул доор дурдсан загвар бүхий байршил тогтоогч GPS төхөөрөмжүүдээс сонгохыг анхаарна уу.

Байршил тогтоогч GPS төхөөрөмж суурилуулаагүй усан замын тээврийн хэрэгслийг  техникийн хяналтын үзлэгт хамруулахгүй ба хөвөлтөд гаргахгүй болно. 

Нэмэлт мэдээллийг доорх утсаар холбогдож авна уу.

Холбоо барих утас: 70134802, 80408595, 99086503