Далайн захиргааны албан хаагчид усанд осолдсон хүнд эмнэлгийн анхан шатны тусламж үзүүлэх сургалтад хамрагдлаа
“Гол, мөрөн, нуурын эргийн аюулгүй байдлыг хамгаалах” НҮТББ-аас 2022 оны 05 дугаар сарын 07-ны өдөр ОБЕГ, Баянгол дүүргийн Усан спорт сургалтын төв зэрэг байгууллагуудын ажилтнуудыг оролцуулан зохион байгуулсан усанд осолдсон хүнд эмнэлгийн анхан шатны тусламж үзүүлэх сургалтад Далайн захиргаанаас нийт 10 албан хаагч хамрагдав.
Сургалтад Төрийн тусгай албан хаагчдын нэгдсэн эмнэлгийн эмч нар усанд осолдсон хүнд үзүүлэх эмнэлгийн анхан шатны тусламжийн талаар онолын болон дадлагын хичээлийг заасан.
Зохион байгуулагчдын зүгээс оролцогч нарт усанд осолдсон хүнд үзүүлэх эмнэлгийн анхан шатны тусламжийн талаар зохих мэдлэг өгч чадсан, тус сургалтын үйл ажиллагаа үр дүнтэй болж өнгөрсөн гэж дүгнэсэн.
Цаашид Далайн захиргаа нь усанд осолдсон хүнд эмнэлгийн анхан шатны тусламж үзүүлэхэд шаардлагатай тоног төхөөрөмж, багаж хэрэгсэлтэй болох, ийм төрлийн сургалтыг ажлын байранд тогтмол зохион байгуулж, нийт албан хаагчдыг зайлшгүй хамруулахад анхааран ажиллахаар болж байна.
