Далай, усан замын тээврийн салбарын тэргүүний ажилтан цол тэмдэгийн загвар зохион бүтээх уралдааны зар
2021.10.29
ЗТХЯ-ны харьяа Далайн захиргаанаас далай, усан замын тээвэрчдийн үндэсний өдөртэй болохтой холбогдуулан “Далай, усан замын тээврийн тэргүүний ажилтан” хүндэт тэмдгийн загвар зохион бүтээх уралдааныг зарлаж байна.
Уралдааны бүтээлд тавигдах шаардлага:
- Усан зам болон далайн тээврийн салбар, ажил, мэргэжлийн онцлогийг бэлгэдсэн дүрслэлтэй, тэмдгийн оноосон нэр (Далай, усан замын тээврийн салбарын тэргүүний ажилтан)-ыг бичсэн, тэмдгийн хэмжээ (өндөр-44.8 мм, өргөн 26-мм, зузаан-2,5 мм), дээд хэсэгт соёмбо дүрсэлсэн байна.
- Загвар нь олон нийтэд ойлгомжтой, утга агуулга нь танигдахуйц байна.
- Загварын өгүүлэмжийн тайлбар, өнгөний код, орц хийцийн санал, шаардагдах зардлын тооцоог гаргасан байна.
- Бэлгэдлийг зураг, графикаар дүрслэхээс гадна бичвэр оролцуулж болно.
- Бүтээлийг Adobe Photoshop, Corel Draw, InDesign зэрэг мэргэжлийн программ болон гараар тус бүр хоёр хувь зурсан байна.
4.1. Цахим бүтээл нь өндөр нягтралтай (300 dpi) байх шаардлагатай бөгөөд gif, jpeg цахим хувилбарыг ирүүлнэ.
4.2. Гараар зурсан бүтээлийг өнгөт хувилбараар А4 хэмжээний цаасан дээр 2 хувь үйлдэн ирүүлнэ.
- Уралдаанд нэг оролцогч хэдэн ч загвараар оролцож болох бөгөөд бүтээл тус бүрийг тайлбарласан байна.
- Уралдаанд оролцогч овог, нэр, холбоо барих утасны дугаар, ажлын болон оршин суугаа хаягын мэдээллийг уралдаанд ирүүлж буй бүтээлийнхээ тайлбар хэсэгт тодорхой бичсэн байна.
Хүлээн авах хугацаа:
2021 оны 10 дугаар сарын 29-нөөс 11 дүгээр сарын 08-ны хооронд хүлээн авна.
Шалгаруулалт:
Бүтээлийг хүлээн авснаас хойш ажлын 5 хоногт багтаан Ажлын хэсэг шалгаруулж, www.monmarad.gov.mn цахим хуудсаар нийтэд зарлана.
Шагнал:
Шалгарсан бүтээлийг 800.000 /найман зуун мянга/ төгрөгийн мөнгөн шагналаар урамшуулна. Мөн Монголын завьчдын нэгдсэн холбооноос мөнгөн шагналаар урамшуулна.
Тайлбар:
Уралдаанд ирүүлсэн бүтээлийн эхийг буцаан олгохгүй.
Бүтээлээ: info@monmarad.gov.mn цахим хаягаар болон Монгол Улс, Улаанбаатар хот, Чингэлтэй дүүрэг 4-р хороо, Самбуугийн гудамж, Засгийн газрын XI байр, 6 давхрын 604 тоот өрөөнд ирүүлж болно.
Нэмэлт мэдээллийг: 70114802, 51261489 утсаар болон www.monmarad.gov.mn цахим хуудсаас авч болно.
