ЗТХЯ-ны харьяа Далайн захиргааны хамт олон “Тэрбум мод” үндэсний хөдөлгөөнд нэгдлээ
Монгол Улсын Ерөнхийлөгчийн зарлигаар жил бүрийн 5, 10 дугаар сарын хоёр дахь долоо хоногийн Бямба гарагийг “Бүх нийтээр мод тарих үндэсний өдөр” болгон зарласантай холбогдуулан Зам, тээврийн хөгжлийн яамны харьяа Далайн захиргааны нийт албан хаагчид 2021 оны 10 дугаар сарын 06-ны өдөр мод тарих арга хэмжээг зохион байгууллаа. Уг арга хэмжээгээр Монгол Улсын Далайн захиргааны 20 орчим албан хаагч Сонгинохайрхан дүүргийн 25-р хорооны нутаг дэвсгэрт Зүүн салааны эцэст байрлах “Энх мөнхийн байгаль” ТББ-ын ойжуулалтын талбайд 65 ширхэг Шинэс хар модыг суулгалаа.
Түүнчлэн дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх, экологийн тэнцвэрт байдлыг хангах зорилгоор Монгол Улсын Ерөнхийлөгчийн санаачилсан “Тэрбум мод" үндэсний хөдөлгөөнийг дэмжиж, Монгол Улс Олон Улсын Далайн байгууллагын гишүүнээр элссэн оныг бэлгэдэн 2030 он хүртэл нийт 1996 модыг тарьж ургуулахаар төлөвлөөд байна. Цаашид модыг тариад орхих биш усалгаа арчилгааг тогтмол хийж ургуулах ажлыг мөн давхар хариуцах юм.
