1. Нүүр хуудас
2. Мэдээ, мэдээлэл
3. Та энд байна

Сүхбаатарын талбайд болох “Нээлттэй хаалганы өдөрлөг”-ийн үеэр усан замын тээврийн хэрэгслийг улсын бүртгэлд хамруулж болно

Засгийн газрын үйл ажиллагааг иргэд, олон нийтэд сурталчлах зорилгоор “Нээлттэй хаалганы өдөрлөг”-ийг 2017 оны 05 дугаар сарын 24, 25-нд зохион байгуулахаар төлөвлөөд байна.

  Тус өдөрлөгт Зам, тээврийн хөгжлийн яамны харьяа байгууллагууд үйл ажиллагааны ил тод байдлыг ханган холбогдох мэдээллийг танилцуулах, хууль эрх зүйн зөвлөгөө өгч, мэргэжил арга зүйгээр хангах зэрэг үйлчилгээг үзүүлнэ.

 Тус өдөрлөгт Монгол Улсын Далайн захиргаа:

-    Усан замын тээврийн хэрэгслийг улсын бүртгэлд бүртгүүлэх, шилжилт хөдөлгөөн хийлгэх, гэрчилгээ, улсын дугаар олгох ажлын талаар танилцуулга мэдээлэл өгнө.

-       Усан замын тээврийн хэрэгслийн шинээр бүртгүүлэх тухай аж ахуйн нэгж болон иргэдийн хүсэлтийг холбогдох материалын хамт хүлээн авч бүртгэлд хамруулах, улсын дугаар олгох зэрэг үйл ажиллагааг эхлүүлэх боломжтой.

-  Усан замын замын тээврийн хэрэгслийн бүртгэлтэй холбоотой зөвлөгөө өгөх, мэдээлэл, танилцуулга зэргийг иргэд, аж ахуйн нэгжүүдэд хүргэнэ.

-  Аврах хантаазны танилцуулга, хэрэглэх зааварчилгааг үзүүлэх сургалтаар өгнө.

-  Усан замын тээврийн үйлчилгээ эрхлэх тусгай зөвшөөрөлтэй холбоотой мэдээлэл, хүсэлт гаргах, бүрдүүлэх материалын талаар зөвлөгөө өгнө.

-  Усны ослоос хэрхэн урьдчилан сэргийлэх, авах арга хэмжээний талаарх зөвлөмжийг иргэдэд өгнө.

Өдөрлөг 2017 оны 5 дугаар сарын 24, 25-ны өдөр 09.00 цагаас 17.00 цаг хүртэл “Сүхбаатарын талбай”-д зохион байгуулагдах тул байгууллага, ААН, иргэд та бүхнийг урьж байна.