Монгол Улсын Зам, тээврийн дэд сайд, БНСУ-ын Далайн хэрэг, загас агнуурын яамны дэд сайд нар далайн салбарын талаар уулзаж ярилцлаа.
2015-11-11
БНСУ-ын Сөүл хотноо 2015 оны 11 дүгээр сарын 2-оос 6-ны хооронд зохион байгуулагдаж байгаа “Дэлхийн авто замын 25 дугаар Их Хурал”-д Монгол Улсын Зам, тээврийн дэд сайд Х.Ержан, тус яамны Стратегийн бодлого, төлөвлөлт, хамтын ажиллагааны газрын дарга Р.Онон нар оролцлоо.
Айлчлалын хүрээнд БНСУ-ын Далайн хэрэг, загас агнуурын яамны дэд сайд Юн Хаг Бэ-тэй 11 дүгээр сарын 4-ний өдөр албан ёсны уулзалтыг зохион байгуулж, хоёр орны Далайн тээвэр болон логистикийн салбарын хамтын ажиллагааг өргөжүүлэх, Монгол-Солонгосын хамтарсан далайн тээврийн “Монгол Саммок Ложистикс” ХХК-ийн үйл ажиллагааг идэвхижүүлэн ажиллах, мөн Монгол далайчдыг тус улсад далайн тээврийн мэргэжлээр суралцуулж байгаад талархлаа илэрхийлээд цаашид их далайд гарч ажиллахад дэмжлэг үзүүлэхийг хүссэн юм.
