Олон улсын Далайн аюулгүй байдлын чуулга уулзалтад оролцлоо.

Далайн аюулгүй байдлын чуулга уулзалтанд АНУ, Их британи, Сингапур, Малайз, Индонез, Хятад зэрэг орны аврах үйл ажиллагааг гардаж явуулдаг төрийн болон төрийн бус байгууллага, холбоо, аж ахуйн нэгж мөн тэдгээрт тоног төхөөрөмж нийлүүлдэг бизнесийн байгууллагуудын төлөөлөл оролцсон юм. Монгол Улс хэдийгээр далайд аврах үйл ажиллагаа явуулдаггүй хэдий ч өөрийн улсын бүртгэлд олон тооны хөлөг онгоц бүртгэсэн далбааны эзэн улс болохын хувьд тус арга хэмжээнд урилгаар оролцлоо.
Уг арга хэмжээний 20, 21-ний өдөр аврах үйл ажиллагааг явуулах танхимын сургалт түүнчлэн зорчигч тээврийн хөлөг онгоцноос зорчигчдыг аврах дасгал сургуулилтыг үзүүлэн тоглолт хэлбэрээр танилцуулсан. Тус уулзалтын үеэр холбогдох мэргэжлийн байгууллагуудын төлөөлөлтэй холбоо харилцаа тогтоосон ба цаашид Хөвсгөл нуур зэрэг томоохон нууранд зорчигчдыг аврах үйл ажиллагаа бүхий сургалтыг IMRF буюу “Далайн тээврийн эрэн хайх, аврах Олон улсын холбоо”-ны тусламжтай зохион байгуулах нөхцөл боломжийн талаар ярилцсан болно.