1. Нүүр хуудас
2. Мэдээ, мэдээлэл
3. Та энд байна

Монгол Улсын Далайн захиргаа нь SMART-C LC/LP төслийн хүрээнд НҮБ-ын Олон улсын далайн байгууллагын төлөөлөгчдийг хүлээн авч, төслийн нээлтийн үйл ажиллагааг зохион байгууллаа.

Уулзалтын үеэр Зам, тээврийн сайд Б.Дэлгэрсайхан, Монгол Улсын Далайн захиргааны дарга М.Өлзий болон холбогдох байгууллагын төлөөлөгчид Олон улсын далайн байгууллагын төлөөлөгчдийг хүлээн авч, тус төслийн хүрээнд Хөвсгөл нуурын экосистемд тулгамдаж буй асуудлууд болон Монгол Улсын байгаль орчны нөхцөл байдлын талаар санал солилцож, хэлэлцүүлэг өрнүүллээ.

Монгол Улсын Далайн захиргаа нь тус төслийг 2023 оноос санаачлан, хэрэгжүүлэх бэлтгэл ажлыг үе шаттайгаар хангаж ирсэн бөгөөд Хөвсгөл нуурын усны орчныг хамгаалах, судалгаа шинжилгээний чадавхыг бэхжүүлэх, олон улсын сайн туршлага, дэвшилтэт технологийг нэвтрүүлэхэд чиглэж байна.

SMART-C LC/LP төсөл нь 2024–2029 оны хугацаанд Бүгд Найрамдах Солонгос Улсын Засгийн газрын санхүүжилтээр, Олон улсын далайн байгууллагаын зохицуулалтаар хэрэгжинэ. Төслийн хүрээнд Хөвсгөл нуурын ёроолын бүтэц, байршлыг орчин үеийн өндөр нарийвчлалтай технологиор судалж, бохирдол, хог хаягдал, живсэн техник хэрэгслийн байршлыг тогтоох судалгаа хийхээр төлөвлөж байна.