Монгол Улсын Далайн захиргаа Тайландын Хаант Улсын Далайн захиргаатай хамтын ажиллагааг эрчимжүүлнэ
2025-11-27
Монгол Улс Олон Улсын Далайн Байгууллагын 34 дүгээр Ассамблейн чуулганд оролцохын сацуу Тайландын Хаант Улстай эхлүүлсэн хамтын ажиллагааг эрчимжүүлэх, үе шаттай хэрэгжүүлэх чиглэлээр Талууд санал солилцлоо.
2024 оны 11 дүгээр сард Монгол Улсын Далайн захиргаа, Тайландын Хаант Улсын Далайн захиргаа хооронд далайн салбарт хамтран ажиллах тухай Харилцан ойлголцлын Санамж бичиг (MOU) үзэглэсэн.
Тус Санамж бичгийн хүрээнд далай, усан замын тээвэр, логистикийн салбарт хамтын ажиллагааны түншлэлийг хөгжүүлэх, хөлөг онгоцны бүртгэлийн үйл ажиллагаа болон далбааны эзэн улсын хяналт шалгалтын чиглэлээр ажиллах, салбарын мэргэжлийн боловсон хүчин бэлтгэх зэрэг ажлуудыг хамтран хэрэгжүүлэхээр тусгасан юм.
