1. Нүүр хуудас
2. Мэдээ, мэдээлэл
3. Та энд байна

Улаанбаатар. /2025-08-25/. Өнөөдөр Монгол Улсын Далайн захиргааны дарга Б.Сайнбаяр болон бусад албаны хүмүүс Герман улсын Далайн эрэн хайх, аврах байгууллагын захирал, ахмад Майкл Иппих тэргүүтэй төлөөлөгчдийг хүлээн авч уулзлаа.

Уулзалтын гол сэдэв нь Хөвсгөл нуурын усан замын аюулгүй байдлыг сайжруулах, онцгой байдлын үед эрэн хайх, аврах чадавхийг нэмэгдүүлэх байв.

Германы Далайн эрэн хайх, аврах байгууллага нь 2017 оноос эхлэн Монгол Улсын Далайн захиргаанд нийт гурван ширхэг, 8.3 метр урттай, тусгай тоноглол бүхий аврах завь хандивласан. Эдгээр завь нь цаг агаарын хүнд нөхцөлд ч эргүүл, хяналт болон аврах ажиллагаа явуулах өндөр хүчин чадалтай техникүүд юм.

Уулзалтын үеэр Зам, тээврийн сайд Б.Дэлгэрсайхан Монгол Улсын усан замын тээврийн салбарын хөгжил, аюулгүй байдалд оруулж буй үнэтэй хувь нэмэрт нь талархал илэрхийлж, зочид төлөөлөгчдөд "Талархлын бичиг" гардуулан өгсөн юм.